"Servir"

1. -

[A1 humain] sert [A2 humain] . : Geronnet ... dist à ceulx qui les nouvelles luy avoient apportées : Seigneurs compaignons, retournez devers nostre cappitaines et si luy dittes, de par moy, que ... je l'ay, à mon povoir, tousjours, tant que j'ay esté delez luy, servi bien et loyaulment et serviray encoires, si luy plaist ; mais, se je me tourne Franchois, il ne gaingnera riens (FROISS., Chron. M., XIV, c.1375-1400, 203). La contesse de Montfort, qui avoit coer d'onme et de lion, estoit armee et montee sus .I. coursier, et amonestoit ses honmes de bien faire. Et cevauçoit de rue en rue, et faisoit par les fenmes et les enfans desfaire les cauchies, et porter la piere et les cailliaus sus les murs, et servir ceuls qui se desfendoient. (FROISS., Chron. D., p.1400, 514).

-

[A1 humain] sert devant [A2, un personnage important] : Apriés tous ces congiés, la jone roine Phelippe d'Engleterre, en l'eage entre trese et quatorse ans, se departi de Valenchiennes en la compagnie de messire Jehan de Hainnau son oncle, ... et plus de quarante chevaliers et esquiers de Hainnau. Et servoit devant lui adont uns jons esquiers qui se nonmoit Watelés de Manni, qui puis fu messires Watiers, vaillans homs et preus as armes, (FROISS., Chron. D., p.1400, 158).

-

[A1 humain] sert [A2 humain] à [A3, une certaine condition] : Li contes de Hainnau, li dus de Braibant et li dus de Gerles servoient le roi d'Engleterre a leurs coustages, et messires Jehans de Hainnau aussi ; (FROISS., Chron. D., p.1400, 449). Et la ot pluisseurs consauls et trettiés, et tant fu pronmis et donné a euls que tout s'obligierent a desfiier le roi de France, sitos que il saveroient que li rois d'Engleterre l'averoit desfiiet, ou au plus tart .I. mois apriés. Et le serviroient casquns a une qantité de hiaumes couronnés, (FROISS., Chron. D., p.1400, 259).

-

[A1 humain] sert [A2 humain] de [A3 concret] : Et tout chil qui le voloient aler veoir, estoient liement requelliet et festiiet de li et de ses honmes, et servis de deus ou trois manieres de vins, et casquns selonch son estat. (FROISS., Chron. D., p.1400, 167). ...et de ce bestail il en avoient assés tant que il voloient, et en envoioient encores grant fuisson en l'oost le roi, dont il estoient servi. (FROISS., Chron. D., p.1400, 681).

-

[A1 humain] sert [A2 humain] de [A3 abstrait] : ...le duc d'Irlande se tenoit delez le roy d'Angleterre en la marche de Galles, et n'entendoit à aultre chose, nuit et jour, fors que de venir à ses ententes en pluseurs manieres, et de servir le roy de belles parolles et de grandes huiseuses et la royne aussi, pour eulx complaire (FROISS., Chron. M., XIV, c.1375-1400, 48). ...messires Carles de Blois, ... estoit servis et respondus de douces paroles et de belles en disant : Biaus cousins, ne vous sousiiés de riens : laissiés ce conte de Montfort aler et venir et espardre cel argent que il a trouvé dou duch son frere. (FROISS., Chron. D., p.1400, 475).

2. -

[Le service de Dieu] : Li papes Clemens vei que li rois de France le requeroit de raison. Si jeta sentense generale et puble sus les Flamens et sus toute Flandres, et envoia ses bulles d'esqumenication as diocesains, ... Et n'osa, uns lonch temps, nuls prestres par tout le pais de Flandres chanter messe, sus privation de benefice et estre encourus en sentense de esqumenication. Qant Jaquemés d'Artevelle et li pais de Flandres veirent ce, il escrisirent deviers le roi d'Engleterre ... et li priierent que, qant il retourneroit deça la mer, que il vosist amener en sa compagnie des prestres d'Engleterre, par quoi Diex fust servis en Flandres, maugré le pape d'Avignon et le roi Phelippe. (FROISS., Chron. D., p.1400, 367).

3. -

[Le service de table] : Et eut bien seans a table soissante dames, lesquelles estoient priies et mandees la environ et ou pais de Northombrelant, pour mieuls festoiier messire Jehan de Hainnau et les Hainnuiers. La peut on veoir de l'estat grant noblece de bien servir de grant fuisson de més et d'entremés, si estragnes et si bien ordonnés que on ne les saveroit deviser, fors cheuls qui sont mestre dou faire. (FROISS., Chron. D., p.1400, 116). Si s'asist li rois et fist seoir d'encoste li et a sa table tous les chevaliers prisonniers. Si furent servi bien et a paix et a grant loisir. (FROISS., Chron. D., p.1400, 873).

-

[A1 humain] sert du vin, le diner : On servoit du vin en une chambre où le prince estoit, et avecques li grant foison de seigneurs d'Angleterre. (FROISS., Chron. D., p.1400, 20). Le disner fut grant et bel et bien servis. (FROISS., Chron. M., XIV, c.1375-1400, 16).